06 июля 2022

ДЗИЛЛОН ХАБАРХÆССÆГ ФÆРÆЗНИТИ ÆМАРХАЙДИ ФÆДБÆЛ МАДЗАЛ

23.06.2022 | 16:27

ФАРНÆХÆССÆГ ФÆЛТÆРДДЗИЙНАДÆ – ÆХСÆНАДИ ХУАРЗÆН

Цæгат Иристон ахид исуй дзиллон хабархæссæг фæрæзнити архайд æма фæлтæрддзийнади фарстати фæдбæл регионалон æма федералон мадзæлттæ аразуни рауæн. Æма бабæй мæнæ рæхги 29-30 июни Дзæуæгигъæуи æ куст кæндзæнæй, алли регионти минæвæрттæ кæми архайдзæнæнцæ, уæхæн медиафорум «РRО Кавказ».

Цæгат Иристони Сæргълæууæг Сергей Меняйлой хъæппæресæй исаразуйнаг æмбурди архайæг дзиллон хабархæссæг фæрæзнити минæвæрттæ базонгæ уодзæнæнцæ кæрæдзей кусти фæлтæрддзийнади хæццæ, иснисан кæндзæнæнцæ идарддæри æмархайди фæндæнттæ.

Форум цæттæгæнæг комитети куд радзурдтонцæ, уотемæй æмбурди архайдзæнæнцæ Цæгат Кавкази федералон зилди регионти æма центрон дзиллон хабархæссæг фæрæзнити журналисттæ æма иннæ минæвæрттæ, блогертæ, паддзахадон оргæнтæ æма коммерцион организацити пресс-службити косгутæ, хецауади æма æхсæнадон структурити специалисттæ.

Медиафоруми иуазгутæ исуодзæнæнцæ зундгонд журналист, Уæрæсей Федераций Паддзахадон думи депутат Евгений Попов, политолог, дуйнеуон гъуддæгути фæдбæл уæрæсейаг Совети эксперт Сергей Маркедонов, теле-радиостанцити Национ ассоциаций директор Александр Широких, Уæрæсей журналистти Цæдеси нимæрдар Юлия Загитова æма æндæр структурити разамонгутæ æма минæвæрттæ.

Нæ уацхæссæг

ГАЗЕТ «ДИГОРÆ» – АЛЛИ БИЙНОНТÆН!

2022 АНЗИ ÆМБЕСÆН.
Æ РАФИНСУНИ АРГЪ АНЗИ ÆРДÆГÆН ÆЙ 323 СОМИ ÆМА 64 КЪАПЕККИ;

УÆЛБАРТÆМÆ ГÆСГÆ БА – 288 СОМИ ÆМА 96 КЪАПЕККИ.

ГАЗЕТ «ДИГОРÆ» РАФИНСУН ÆНГЪЕЗУЙ «УÆРÆСЕЙ ПОЧТИ» ЕУГУР ХАЙÆДТИ ДÆР, УÆДТА МУХУР УÆЙÆГÆНÆН КИОСКТИ ДÆР.