80 анзи кæбæл исæнхæст æй, еци пенсиесæгæн карæмæ гæсгæ фæдзæхстадон пенсий федаргонд хай федун æнгъезуй дувæр бæрцæй. 80 анзи кæбæл исæнхæст æй, еци еугур амунд пенси Цæгат Иристони есунцæ 28065 уæхæн адæймаги.

Паддзахадæ ке исæвæруй, еци федаргонд феддон нимад æй фæдзæхстадон пенсий уæхæн зæрдæдарæн хайбæл. Аци анзи райдайæнæй нурмæ федаргонд феддони бæрцæ ‘й 7567 соми. 80 анзи кæбæл исæнхæст æй, еци адæми карæмæ гæсгæ фæдзæхстадон пенсий бæрцæ æхцай амунд бæрцæй фæффулдæр уй.

Пенсий бæрцæ нæуæгæй бахинцунцæ проактивон уагæй, гъома, Социалон фонди республикон хайадæмæ курдиадæ æрветун нæ гъæуй. Пенсий бæрцæбæл бафтаунцæ пенсиесæги райгурæн бонæй фæстæмæ æма анзи дæргъи фулдæргонд пенси ескæци бæрæгбæнтти хæццæ баст нæ фæууй. Адæймагбæл 80 анзи ци мæйæ исæнхæст уа, фулдæргонд пенси ин федун райдайунцæ, еци мæйи фæсте цæуæг мæйæй.

Феппайуйнаг: карæмæ гæсгæ фæдзæхстадон пенси ка есуй, феддонти бæрцæбæл бафтаунцæ айдагъ уæхæн пенсиесгутæн. 80 анзи кæбæл исæнхæст æй æма карæмæ гæсгæ социалон, кенæ дарæги фесæфтмæ гæсгæ пенси ка есуй, еци адæмæн феддони бæрцæ фæффулдæр кæнунмæ æнгъæлмæ кæсуни барæ нæййес. Фиццаг къуари инвалиддзийнади хæццæ адæймæгутæн дæр федаргонд феддони бæрцæ нæ фæффулдæр кæнунцæ, уомæн æма аци адæм нуриуæнгæ дувæр бæрцæй пенси есунцæ.

Уæрæсей Социалон фонди регионалон контакт-центр: 8-800-200-07-81 (авдисæрæй цуппæрæни уæнгæ – 9.00 сахаттемæй 18.00 сахаттей уæнгæ, майрæнбони ба – 9.00 сахаттемæй 16 сахатти æма 45 минуттей уæнгæ).