Къарæ ист æй социалон хизæгтæй.

Уæрæсей Социалон фонди цæгатиристойнаг хайадæ пенсион карæ ралæууни размæ адæми хæццæ ци проактивон куст æнхæст кæнуй, уой фæрци  еци адæмæй сæ дæс æма цуппаринсæй процентемæн аци анз сæ гæгъæдитæ рагацау арæзт æрцудæнцæ.

Пенсийæн гæгъæдитæ аразуни размæ ке банхæст кæнунцæ, еци мадзæлтти фæрци фæууй гъæугæ бæрæггæнæнтæ исбæлвурд кæнуни фадуат, пенситæ æнхæстæй фист куд цæуонцæ, уотæ.

Куст рагацау нимæдзон уагæй æнхæстгонд ке æрцæуй, уой фæрци пенситæ æвæруни æмгъуд фæццубур æй. Зæгъæн, Социалон фонди регионалон хайадæ феддонти фулдæр хай исæвардта фондз косгæ бонемæ (гъома, закъон пенсити фулдæр хайæн гæгъæдитæ исаразунæн ке дæттуй, еци æмгъудæй дууæ хатти раздæр).

– Федæни пенсиесгути хæццæ косун райдайæн пенсион кари ралæудæй дууæ анзи раздæр. Аци рæстæгмæ нæ хайади специалисттæ федæни пенсион гъуддаги хузæг бацæттæ кæнунцæ, уæдта хецæн адæймаги хигъдтæ исбæлвурд кæнунцæ, — зæгъуй Уæрæсей Федераций Социалон фонди цæгат-иристойнаг хайади разамонæг Милдзихти Аслан.

Куст рагацау банхæст кæнунæн амунд хайади специалисттæ 1963-1967-аг æнзти игурд нæлгоймæгтæ æма 1968–1972-аг æнзти игурд силгоймæгти хонунцæ клиентон службитæмæ. Æрбацæуæг адæмтæ сæ хæццæ гъæуама æрбахæссонцæ паспорт, уæдта фæллойни стаж, ахурадæ, сувæллæнтти райгурд, æфсæддон служби æмгъуд, муггагмæ, ном æма фиди номмæ хаст æййивддзийнæдтæ æвдесæг æндæр документтæ.

Сæрмагонд хигъди уавæри туххæй рафинст бафæдзæхсгæй, адæймагмæ ес портал «Гослуслуги»-й фæрци цалдæр минуттемæ хе стажи туххæй бæрæггæнæнтæ исбæлвурд кæнуни барæ. Бæрæггæнæнти финст фæуунцæ фæллойнадон архайди æмгъудти, индивидуалон пенсион коэффициентти нимæдзæ æма æндæр социалон æмгъудти (æфсади службæ, сувæллæнттæ æма нæкосунгъон адæймæгутæмæ зелуни æма æндæртæ) туххæй хабæрттæ.

Уæ зæрдæбæл уин лæуун кæнæн: аци анз фæдзæхстадон пенсий барæ ес 1962 анзи ка райгурдæй 64-анздзуд нæлгоймæгтæмæ æма 1967 анзи райгурæг 59-анздзуд силгоймæгтæн (кæд адæймагмæ ес тæккæ минкъийдæр 15 анзей дæргъи стаж æма 30 пенсион коэффициенти).

Фарстатæ уæмæ кæд уа, уæд уин ес 8-800-100-00-01 телефонæй Уæрæсей Социалон фонди еумæйаг контакт центрмæ лæвар бадзоруни барæ ес (Уæрæсей Федераций Социалон фонди цæгатиристойнаг хайади линий кусти фæткæ: авдисæрæй цуппæрæнмæ – 9.00 сахаттемæй 18.00 сахаттей уæнгæ, майрæнбони ба 9.00 сахаттемæй 16 сахатти æма 45 минуттей уæнгæ).