Нæ бæсти идарддæр æнхæстгонд цæуй адæми цæрæн рауæнтæмæ æрдзон газ артагæн бауадзуни программæ.

Цæгат Иристони æрдзон артагæй пайда кæнунцæ цæргутæн сæ 97 проценти. Уой хæццæ ба ма ес, газ æнæмæнгæ кумæ бауадзун гъæуй, уæхæн рауæнтæ – етæ æнцæ идæрддзæф цæрæнбунæттæ, уæлдайдæр ба хуæнхбæсти. Уонæми цæргутæн газуадзунади социалон программæ хъæбæр ахсгиаг æй. Уомæ гæсгæ ба, е куд æнхæстгонд цæуй, уомæ еудадзугон цæстдард цæуй: алли къæпхæнти депутаттæй арæзт сæрмагонд къуæрттæ бабæрæг кæнунцæ, еци программæмæ ци гъæутæ хаунцæ, уони æма исбæлвурд кæнунцæ уавæр.

Уæ зæрдæбæл уин æрлæуун кæндзинан: 2021 анзи Уæрæсей Федераций Президент Владимир Путин парти «Еугонд Уæрæсе»-й фракций хъæппæресмæ гæсгæ бафинста закъон адæми цæрæн бунæттæмæ газ лæвар бауадзуни туххæй.

Æма уæдæй абони уæнгæ уоми нисангонд мадзæлттæ æнæгъæнæйдæр исæнхæст кæнунбæл еудадзугон куст цæуй, куд еугур регионти, уотæ Цæгат Иристони  дæр. Социалон газуадзунади  равгитæй испайда кæнун ке  зæрди ес, уони бон æй курдиадæ бадæттун  портал Госуслуги æма МФЦ-йи хайæдтæмæ, «Гаспром межрегионгаз» æма газуадзунади операторти сайтæй. Парти «Еугонд Уæрæсе» фæндæ бахаста социалон газуадзунади рæстæг льготниктæн агъази мадзæлттæ фæуурухдæр кæнун æма сæ æнæгъæнæ бæстæбæл рапарахат кæнун, уæдта хецæн къуæртти граждæнтæн ефтонггæрзти æргътæ фæмминкъийдæр кæнун.