24 майя 2022

ХАБАРӔЙ ХАБАРМӔ ИРӔЗУЙ ЦАРД!..

29.03.2022 | 14:17

Уӕллагири ӕма Дигори кӕмттӕ ка исеу кӕндзӕнӕй, уӕхӕн газуадзӕн арӕзт ӕрцӕудзӕнӕй 2025 анзи уӕнгӕ. Уой фӕрци ӕрдзон газӕй пайда кӕнуни равгӕ фӕууодзӕнӕй аци кӕмтти нӕудӕс гъӕуеми цӕргутӕн.

***

Коронавирусӕй сӕйгӕ адӕмӕн ка агъаз кӕнуй, еци  социалон косӕндӕнтти специалисттӕн уӕлӕнхасӕн мизд федунӕн хӕстӕгдӕр рӕстӕги дехгонд ӕрцӕудзӕнӕй еу миллиард сомей бӕрцӕ. Уой туххӕй сӕрмагонд хецауадон унаффӕ бафинста Уӕрӕсей Хецауади Сӕрдар Михаил Мишустин.

***

Цӕгат Иристони гъӕууонхӕдзарадон продукци уадзгутӕн зӕрдӕмӕдзӕугӕдӕр фадуӕттӕ исаразунмӕ гӕсгӕ кредиттӕ раттуни туххӕй Уӕрӕсей Хецауади фӕстауӕрци фондӕй нӕ республикӕн лӕвӕрд ӕрцудӕй 34 миллион соми. Кредитон организацитӕн сӕ дӕттунцӕ субсидити хузи.

***

Донбасси цӕргутӕн ӕма, уоми се ‘фсӕддон ихӕс ка ӕнхӕст кӕнуй, еци уӕрӕсейаг ӕфсӕддонтӕн Ольгинскийи гъӕуи цӕргутӕ рарвистонцӕ гуманитарон агъаз: аллихузон хуӕлцӕ, хегъудгӕнӕн дзаумӕутти хӕццӕ ма нӕхердигон къеретӕ ӕма бӕгӕни.

***

Цӕгат Иристони хуӕнхон-металлургон институт ӕма Донецки национ техникон университети минӕвӕрттӕ бафинстонцӕ ӕмгустади фӕдбӕл бадзурд.

***

Социалон пенсити бӕрцӕбӕл аци анзи 1 апърелӕй фӕстӕмӕ бафтуйдзӕнӕй 2,8 проценти. Уой туххӕй фегъосун кодта Уӕрӕсей Пенсион фонди пресс-службӕ.

***

Евгъуд сабати Дзӕуӕгигъӕуи арӕзт ӕрцудӕй нӕ республики хехъӕппӕресадон театралон коллективти ӕркаст «Амирани рохс». Арӕзт ӕрцудӕй ӕхсӕзӕймаг хатт, архайдтонцӕ си Цӕгат  ӕма Хонсари ахурадон ӕма культурон учрежденити минӕвӕрттӕ – мин адӕймаги, авд анземӕй ба дӕс ӕма инсӕйей уӕнгӕ кари.

***

Аланибӕл исаргъуди 1100 анзей кадӕн бӕрӕгбони размӕ ци почти маркӕ уагъд ӕрцудӕй, уой презентаци ӕрӕги исаразтонцӕ Дзӕуӕгигъӕуи сӕйраг почтамти. Фӕлгонцгонд ӕй номдзуд скульптор Едзити Сослӕнбеги арӕзт скульптурӕ «Гъенцъунгӕнӕг изӕд»-ӕй.