07 февраля 2023

ХЪАМА

15.10.2022 | 11:34

КОЧЫСАТЫ Мухарбег, (1920-1944), поэт

Гъей, фыдæлты сау хъама,
Гъей, фыдæлты ныфс!
Цалдæр азы ауыгъдæй
Къулыл ды лæууыс.

О, зæгъ-ма, дæ хорзæхæй,
Зæгъ, кæцы ран, кæд,
Цал сонт риуыл акодтай
Хъарм тугæй ды фæд?

Цал хатты мæйдар æхсæв
Калдтай ды тæмæн?
Цал туджджыны барвыстай
Цардхъуагæй мæрдтæм?

Абон рæстæг аивта,
Аивта дæ дуг.
Бафидыдтой туджджынтæ,
Нал кæлы сæ туг.

Фæлæ, баууæнд, не сивта
Абон дæр нæ ныфс,
Фидæн тохы, карз тохы
Ды, мæ хур, хъæуыс.

Гъей, фыдæлты сау хъама!
Адджын дæ мæнæн.
Ды ныфс дæ, хъæбатыр ныфс,
Карз тохы лæгæн.

Знагæн ды цæстысындз дæ,
Ме ’рттиваг хæзна!
Ехх, цæй тынг дæ бауарзтон
Дæу, мæ сау хъама!

Айдæнау æрттив, мæ ныфс,
Хуры рухсмæ хъаз,
Знаг куыд риза ’мризæджы
Хус сыфтæрау раст.

Æз дæуæй зæрдæрухс дæн,
Дæн дæуæй ныфсхаст.
Макуы æруадз худинаг
Ды мæ сæрмæ ’васт.

Гъей, фыдæлты сау хъама,
Адджын дæ мæнæн.
Ды ныфс дæ, хъæбатыр ныфс,
Карз тохы лæгæн.

1941 азы, 3 май

* * *

Устур Фидибæстон тугъд ку райдæдта, уæд Кочисати Григорийи фурт Мухарбег Цæгат Иристони педагогон институт каст фæуунбæл адтæй. Фал æ ахур ниууадзгæй, рандæй фронтмæ. Сурх Æфсади афицер уогæй, тох кодта 3-аг Украинаг фронти рæнгъити, хуарзæнхæгонд æрцудæй Сурх