Чиколай ци физкультурон-дзӕбӕхгӕнӕн комплекс арӕзт цӕуй, уоми уодзӕнӕй уӕгъдебарӕ ӕма классикон гъӕбесӕйхуӕсти, дзюдой, волейболи, баскетболи, уӕззау атлетики ӕма спорти ӕндӕр хузти хайӕдтӕ.

***

Мӕскуй 26-29 майи рацӕудзӕнӕй конкурс «Уӕрӕсей раздзӕугутӕ»-йи кӕронбӕттӕн ӕркаст. Уоми ци 300 разамунддӕттӕг адӕймаги архайуй, уони хӕццӕ Хуӕнхон паддзахадон аграрон университети архайдӕн барадон фадуӕттӕ аразуни управлений хецау, Цӕгат Иристони паддзахадон университети хестӕр ахургӕнӕг.

***

Цӕгат Иристони паддзахадон медицинон академий анестезиологий, реанимаций ӕма интенсивон терапий кафедри косгути хъӕппӕресӕй ӕмбурдгонд ӕрцудӕнцӕ ӕхцай фӕрӕзнитӕ. Уонӕй балхӕдтонцӕ медицинон фиццаг агъази аптечкитӕ, хуастӕ ӕма харзгӕнӕг ӕрмӕг, кӕцити рарвистонцӕ Донбасси сӕ профессионалон ихӕс ӕнхӕстгӕнӕг медиктӕн.

***

Калинингради облӕсти 10-12 июни цӕудзӕнӕй фестиваль «Уруссаг музыкӕ Балтики». Ӕма си фиццаг хатт архайдзӕнӕй нӕ номдзуд коллектив – кафти Паддзахадон ансамбль «Алан» дӕр.

***

Нӕ республики 18-20 майи гастролти уодзӕнӕй Мордовий Паддзахадон уруссаг театр. Спектакльтӕ ӕвдист цӕудзӕнӕнцӕ Ирон театри сценӕбӕл. Нӕкӕси, Ирон театр аци мӕйи райдайӕни ӕртӕ боней дӕргъи гастролти адтӕй Сарански – Мордовий сӕйраг сахари.

***

Федералон программӕмӕ гӕсгӕ дууӕ анзей дӕргъи Цӕгат Иристони капиталон ӕгъдауӕй цалцӕггонд ӕрцӕудзӕнӕнцӕ 63 скъолай.

***

«Ӕдас цалх» – уотӕ хундтӕй нӕ республики нӕдтӕбӕл цӕуни ӕдасдзийнадӕмӕ цӕстдарӕг ӕригон инспекторти конкурс. Архайдтонцӕ си 12 скъолайей къуӕрттӕ. Уӕлахезонтӕ иссӕнцӕ Беслӕни, Ӕрӕдони ӕма Чиколай скъолати минӕвӕрттӕ.

***

Дигори райони ӕригон натуралистти станций сувӕллӕнтти экологон театр, педагог Елбайти Агнесси разамундӕй бабӕй (цуппӕрӕймаг хатт) сахар Дигорай ӕртиккаг астӕуккаг скъолай бавдиста спектакль «Али-Баба ӕма ӕрдзи дууинсӕй гъӕуайгӕнӕги». Уой фӕсте ӕригон артисттӕ сӕ спектакль ма равдистонцӕ райони иннӕ ахургӕнӕндӕнтти дӕр.