17 апреля 2024

ХУАРЗ ХАБАР – НИФСДÆТТÆГ!..

23.09.2022 | 15:45

– Цæгат Иристонмæ бæлццæнтти æргом фулдæр æрбаздæхунæн устур агъаз фæууодзæнæй «Нимæдзон туризм», зæгъгæ, мадзал. Аци ахсгиаг гъуддаг исаразуни ихæс æхемæ райста сервис МегаФон. Æрæги, Дигоргоми «Æртæ хуæри», зæгъгæ, æхсæрдзæнмæ бауагъта бундорон станцæ 4G æма уой фæрци аци коммæ æрцæуæг туристти исефтонг кодтан  тагъд мобилон интернетæй. Зæгъун гъæуй уой дæр, æма нæмæ аци анз сæрди бæлццæнттæ æрбацудæй фари бæрцæй 34 процентти фулдæр.

* * *

Седзæр æма сæ ниййергути æнæевгед  байзайæг сувæллæнттæбæл ауодундзийнади мадзæлттæй еу æй, цæрæнуæттæ син дæттун. Уонæй бабæй дæсемæн  ноябри лæвæрд æрцæудзæнæй нæуæг фатертæ.

* * *

Зæйæуорамæн фарс арæзт æрцæудзæнæй «Мамисон»-и курорти. Æ дæргъæ уодзæнæй 162 метри, æ бæрзæндæ ба – 4,85 метри. Зундгонд куд æй, уотемæй «Мамисон» арæзт цæуй Алагири райони, игонгонд ба гъæуама æрцæуа 2024 анзи.

* * *

Национ проект «Æнæнездзийнадæ гъæуайкæнуй-надæ»-йи фæрци нæ республики арæзт цæуй берæ ахсгиаг гъуддæгутæ. Мæнæ рæхги  нæ медицинон косæндæнттæ бабæй райсдзæнæнцæ фараст сæрмагонд хуæдтолги. Еци проектмæ гæсгæ косун райдайдзæнæнцæ дохтирти амбулатори Хумæллæги, фельдшерон-акушерон пункттæ Мæцутæ æма Рæмони-фурти поселоки. Фæуунтæбæл æнцæ арæзтадон-цалцæггæнæн куститæ Хъарман-Синдзигъæуи амбулаторий æма Бехъани фельдшерон-акушерон пункт. Анзи кæронмæ ма цалдæр медицинон косæндони æрцæудзæнæнцæ цалцæггонд.

* * *

Уæрæсей еуæндæс регионей хæццæ Цæгат Иристон дуккаг анз архайуй алли къабæзти гъæугæ дæсниæдтæ æртасуни федералон проекти. Уой фæрци бæлвурдгонд æрцудæй, циуавæр кустуæттæ æма организацитæ цæттæ ’нцæ, зæгъæн, сувæллæнттæ ка гъомбæл кæнуй, æма æнæгъæнæ бон косунæн фадуат кæмæн нæййес, уæхæн силгоймæгти, 14 анзи кæбæл исæнхæст æй, фал ахурадæ кæмæ нæма ес, 50 анзи кæбæл цæуй, кенæ е ’нæнездзийнадæ гъигæдард кæмæн æй, уæхæн адæми кустмæ райсун.

* * *

Фиццаг хатт Цæгат Иристони арæзт æрцæудзæнæй бизнес-тур Уæрæсей алли рауæнти архайæг социалон амалгъонтæн. Дзæуæгигъæу 17-19 октябри исиуазæг кæндзæнæй сæрмагонд конкурс «Анзи хуæздæр социалон проект»-и финалистти, кæцитæ архайдзæнæнцæ аллихузон цæмæдесаг мадзæлтти.