24 апреля 2024

ИМИСÆН…

14.09.2022 | 14:07

ЕСЕНАТИ ТАЙМУРАЗ – УÆРÆСЕЙ БÆГЪАТÆР

Уæрæсей Федераций Президенти Указмæ гæсгæ, хестæр сержант ЕСЕНАТИ Таймуразæн равардтонцæ Уæрæсей Бæгъатæри кадгин ном.

Сæрмагонд тугъдон операций æнхæст кæнуни рæстæг æхсарæ æма лæгдзийнадæ равдесуни туххæй Уæрæсей Федераций Президенти Указмæ гæсгæ хестæр сержант, танки командир Есенати Таймуразæн равардтонцæ Уæрæсей Бæгъатæри кадгин ном.

Аци хабар Цæгат Иристони Сæргълæууæг Сергей Меняйло æ telegram-канали фегъосун кодта. Игъосункæнуйнаг куд амонуй, уотемæй хестæр сержант Есенати Таймурази бахастонцæ æбæрæгæй исæфт адæми номхигъдмæ, бæсти Гъæуайкæнуйнади министрадæ хуæрзеуæг ба ратдзæнæй æфсæддон службæгæнæги хеуæнттæн.

«Аст анзей дæргъи Украини разамунд ке æфхуардта, нуртæккæ не ‘фсæддон службæгæнгутæ еци адæми, уæдта нæ Райгурæн бæсти арæнти æдасдзийнадæ уодуæлдайæй гъæуай кæнунцæ. Бæгъатæрдзийнадæ æвдесæг æфсæддонтæн – арфæ!», – ниффинста региони разамонæг.