Евгъуд анзи бæрæггæнæнтæмæ гæсгæ, нæ республики рæуæг промышленности кустуæттæ æфтуйæгтæ райстонцæ еу миллиард сомемæй фулдæр.

Регионалон экономики аци къабазæ цæуй ирæзти надбæл. Зæгъæн, анзи райдайæнæй косун райдæдтонцæ, сæ фæрæзнитæ, сæ гæнæнтæ аллихузи кæмæн æнцæ, уæхæн дæс минкъий æма рæстæмбес кустуати.

Фæсарæйнаг компанитæ – нæ бæсти экономики ци бунæттæ ахæстонцæ, уордигæй ку рацудæнцæ, уæд сæ нæхе амалгъонтæ рауон-циуонæй байахæстонцæ.

Экономикон къабази ирæзти надбæл цæун æнцон нæй, берæ аллихузон ацъагъуитæ си гъæуй. Уомæ гæсгæ ба берæвæрсуг паддзахадон агъаз лæвæрд цæудзæнæй, косун ке фæндуй, уонæн, зæгъæн, амалгъонтæн пайда уодзæнæй национ проект «Ерисгъон æма пайдайаг экономикæ»-йи архайун.