Нæ дзиллæ уæлдай сæрустур кæмæй æй, нæ еци Ирон театрбæл 10 ноябри исæнхæст æй фондз æма цуппаринсæй анзи (арæзт æрцудæй 1935 анзи). Е агъазиау цау æй нæ национ аййевади, æма уой фæдбæл цитгингæнæн мадзæлттæ дæр бæргæ арæзт æрцудайдæ, фал нури тæссаг эпидемиологон уавæрти фудæй уомæн равгитæ нæййес. Фал мах, дзиллон хабархæссæг фæрæзнитæ ба уомæй хъоргонд нæ цæуæн æма, зæгъæн, газет «Дигори» мухургонд æрцæудзæнæнцæ хецæн æрмæгутæ театри бæрæгбони фæдбæл. Абони ци æрмæг мухур кæнæн, уомæй бæлвурд бæрæг æй, театр æма æхсæнади æхсæн бастдзийнæдтæ цæйбæрцæбæл федар æма фарнæхæссæг адтæнцæ, е. Республики разамунд æновуд адтæй Ирон театрбæл, ци гъудæй, уомæй æй гъæуагæ нæ уагъта, архайдта, цæмæй æнтæстгинæй æнхæст кодтайдæ æ исфæлдистадон ихæстæ.