Архитекторти форум «АрхАлания» арæзт цæудзæнæй аци фæззæг, октябри фиццаг дууæ бони Дзæуæгигъæуи Национ музейи.

Фембæлди сæйраг мадзæлттæ баст уодзæнæнцæ Цæгат Кавкази регионти ’хсæн профессион бастдзийнæдтæ фæуурухдæр кæнун, историон-культурон бунтæ æма æрдзон ландшафт багъæуай кæнун æма æндæр ахсгиаг фарстати хæццæ.

Фулдæр æргом форуми раздахдзæнæнцæ, сахарти æхсæнадон æма экономикон царди архитектурæн ци нисан ес, уомæ, бизнес æма æнæбюджетон æхцатæ куд æрбаздахæн ес фæзуæтти ирæзт, профессион архитектурон æхсæнадæ федар кæнун æма дæсни специалистти нæуæг фæлтæр цæттæ кæнуни гъуддагмæ. Форуми сæйраг программæ цæудзæнæй дууæ бони, еци-еу рæстæг музейи æртæ залеми. Дзубанди си цæудзæнæй нæуæг фæлтæрти хæццæ, архитектори дæснийадæ ке фæндуй равзарун, уæдта, уæлдæр ахургæнæндæнтти нуриуæнгæ аци гъæугæ дæснийади сосæгдзийнæдтæ ка ахур кæнуй, уони хæццæ.

Форуми уодзæнæнцæ сахарти сæйраг архитектортæ, сахари ирæзти институти раззагдæр специалисттæ, урбанисттæ, архитектортæ айдагъ Цæгат Кавказæй нæ, фал æнæгъæнæ Уæрæсейæй дæр. Æ программæ æма игъосункæнуйнæгтæ бакæсæн уодзæнæй интернети тугъдади.