24 апреля 2024

КАДГИНИ ÆГАДÆ КÆНУНИ ТУХХÆЙ – КАРЗ ÆФХУÆРД!..

22.07.2023 | 12:35

Сæрмагонд æфсæддон операций архайгутæн (уони хæццæ бархеуонтæн дæр) сæ кадæ дæлæмæ кæнунбæл ка архайуй, етæ нурæй фæстæмæ уголовон æгъдауæй æфхуæрд цæудзæнæнцæ. Уæхæн закъон исфедар кодта Уæрæсей Федераций Паддзахадон Думæ.

Уæззау фæстеугутæ расайæг Уæрæсей Гæрзефтонг Тухти туххæй зонгæ зонун мæнгæ игъосункæнуйнаг ка парахат кæнуй, еци фудгæнæг æфхуæрд цæудзæнæй ахæстдони 15 анзи фæббадунæй.

Уомæй уæлдай Паддзахадон Думæ фæккарздæр кодта сæрмагонд æфсæддон операций бархеуонæй архайгути кадæ дæлæмæ кæнуни туххæй административон бæрнондзийнадæ дæр. Аци статья гъæуай кæндзæнæй айдагъ бархеуонти ном нæ, фал, сæрмагонд æфсæддон операций Уæрæсей нисантæ æнхæст кæнунæн кадæриддæр агъаз кæнуй, еци организацитæ æма адæймæгути нæмттæ дæр.

Санкцитæ раздæри хузæн уодзæнæнцæ уæхæн: Уæрæсей Федераций Гæрзефтонг Тухти æма бархеуонти ном æма кадæ дæлæмæгæнæг архайди туххæй административон æфхуæрд уодзæнæй 30 мин сомемæй 50 мин соми уæнгæ, уой хæццæ:

– бæрнон адæймæгутæ æфхуæрд цæудзæнæнцæ 100 мин сомемæй 200 мин сомей уæнгæ иварæй;

– юридикон еуæгтæ ба – 300 мин сомемæй 500 мин сомей уæнгæ иварæй.

Уомæй уæлдай, закъон федар кæнуй, тохæндзаумау æнæзакъонæй цæттæ кæнун куд гъæуй, уой дзиллон хабархæссæг фæрæзнити фæрци ка амона, уони нихмæ дæр административон бæрнондзийнадæ.