Коронавирус кæцæй фæззиндтæй, зæгъгæ, фарста дзиллон цæстингас бæлвурдгæнæг Левада-центр (Уæрæсей юстиций министрадæ ‘й бахаста фæсарæйнаг агентти номхигъдмæ), уæрæсейæгтæй кæмæ равардта, уонæн сæ дууæ æртиккаг хаййи (64%) еци фуднез нимайунцæ биологон хуæцæнгарзи нæуæг хузæбæл, кæци, æвæдзи, арæзт æрцудæй цидæр римæхст лабораторий. Мæлæтдзаг хъилма æцæгæйдæр сæрмагондæй æргъудигонд ке ‘й, еци гъуди парахатдæр æй еугур карити адæймæгути æхсæн, уæлдайдæр ба е æруагæс кæнуй хестæр кари си ка ‘й, уонæй. Уотемæй ба, еци нез сæбæл бацæфсдзæнæй, зæгъгæ, уомæй нæ тæрсунцæ æрфарст адæмæн се ‘мбесæй фулдæр (56%), е æй 2020 анзи февралæй нури уæнгæ тæккæ бæрзонддæр æвдесæн.
Уæхæн уавæрти ниллæгдæр кæнуй, «Спутник V», зæгъгæ, вакцинæй прививкæ искæнунмæ цæттæ ка ‘й, уони нимæдзæ: евгъуд декабри æрфарст адæми æхсæн уæхæнттæ адтæнцæ 38%, нур ба – 30%. Е уой æвдесæн æй æма адæми æхсæн фагæ куст нæ цæуй, вакцинаци æнæмæнгæ искæнуйнаг фæрæзнæ ке ‘й, коронавирусæй хе багъæуай кæнуни туххæй æма æ нихмæ тохи нин ка фæййагъаз уодзæнæй уæхæн мадзал.
Сумах ба искодтайтæ вакцинаци? Кæд нæ, уæд ма цæмæ фæстæтæрæ кæнетæ æма ма цæмæ æнгъæлмæ кæсетæ?