27 майя 2022

КОРОНАВИРУС РАБӔРӔГ КӔНУНИ РАВГИТӔ

17.02.2022 | 15:15

Коронавируси незӕфтуйӕн 20 минуттемӕ ка рабӕрӕг кӕнуй, уӕхӕн автоматикон системитӕ, гӕнӕн ес, ӕма хӕстӕгдӕр рӕстӕг фӕззиндзӕнӕнцӕ Цӕгат Иристони поликлиникити.

Уой туххӕй коронавируси инфекци парахатдӕр кӕнуни нихмӕ гӕрӕнтӕ ӕвӕруни фарстати фӕдбӕл республики оперативон штаби ӕмбурди фегъосун кодта Цӕгат Иристони Сӕргълӕууӕг Сергей Меняйло.

Еци системитӕ нерӕнгӕ нур исаразтонцӕ, еугур рауӕнти нӕма ‘нцӕ. Ӕма Сергей Меняйло куд загъта, уотемӕй хуарз уидӕ республикӕн етӕ амалгонд ку ӕрцӕуиуонцӕ, уӕд. Уонӕн исӕвӕрӕн уодзӕнӕй сӕйгӕдонӕ кенӕ поликлиникӕмӕ бацӕуӕни. Ӕма уӕд анализи бӕрӕггӕнӕнмӕ еу суткӕ ӕнгъӕлмӕ кӕсун нӕбал багъӕудзӕнӕй.


Коронавируси пандеми парахат кӕнуни нихмӕ гӕрӕнтӕ ӕвӕруни фарстати фӕдбӕл федералон штабӕй куд фегъосун кодтонцӕ, уотемӕй нурӕй фӕстӕмӕ коронавируси незӕфтауӕг адӕймагмӕ рабӕрӕг кӕнунӕн фагӕ уодзӕнӕй айдагъ экспресс-тести бӕрӕггӕнӕн дӕр.

– Адӕймагӕн уӕхӕн диагноз исӕвӕрунӕн нурӕй фӕстӕмӕ раздӕри хузӕн ПЦР-тест кӕнун нӕбал гъӕудзӕнӕй. Уой фӕдбӕл сӕрмагонд унаффӕ исфедар кодта Уӕрӕсей Федераций сӕйраг паддзахадон санитарон дохтир, – загъта штаби минӕвар.

Оперативон штаби куд радзурдтонцӕ, уотемӕй еугур регионтӕмӕ дӕр афойнадӕбӕл ӕрвист цӕунцӕ гъӕугӕ экспресс-тестӕ.