06 декабря 2022

КЪОСТАЙ ЦИТГИН НОМИ АККАГ КА ИСУОДЗӔНӔЙ?..

24.03.2021 | 14:27

Республикӕ Цӕгат Иристон-Аланий Сӕргълӕууӕги размӕ Хетӕгкати Къостай номбӕл паддзахадон преми литературӕ ӕма аййевади къабази дӕттуни фӕдбӕл къамис игъосун кӕнуй, 2021 анзи преми райсуни фӕдбӕл ӕрмӕгутӕ ӕмбурд кӕнун ке райдӕдта, уой туххӕй (преми лӕвӕрд ӕрцӕудзӕнӕй Хетӕгкати Къостай райгурӕн бон – 15 октябри).

Преми райсуни фӕдбӕл гӕгъӕдитӕ ист цӕунцӕ Хетӕгкати Къостай номбӕл паддзахадон преми литературӕ ӕма аййевади къабази райсунмӕ авторон уадзимистӕ бадӕттуни фӕдбӕл фӕтки (федаргонд ӕрцудӕй Республикӕ Цӕгат Иристон-Аланий Сӕргълӕууӕги 2018 анзи 28 майи федаргонд 156-аг Указӕй) бундорбӕл аци анзи 14 мартъийӕй 1 июни уӕнгӕ.

Къамис ӕркӕсунмӕ есуй, Иристони аййевадон культури аккаг бунат ка байахӕста, уӕдта ӕхсӕнади ‘рдигӕй устур аргъгонд кӕмӕн ӕрцудӕй, уӕхӕн авторон уадзимистӕ (куд хецӕн авторти, уотӕ авторон коллективти уадзимистӕ дӕр). Уӕлдӕрамунд уадзимистӕ мухургонд ӕма ӕвдист гъӕуама ӕрцудайуонцӕ 2019-2020 ӕнзти (гъома, преми раттуни анзи 1 январи уӕнгӕ).

Преми райсунмӕ кандидатуритӕ бадӕттуни барӕ ес хецаудзийнади ӕнхӕстгӕнӕг ӕма бунӕттон оргӕнтӕн, ӕхсӕнадон еугӕндтӕн, косӕндӕнттӕн, организацитӕн, ахургӕнӕндӕнттӕ ӕма исфӕлдистадон коллективтӕн.

Еугур фарстатӕ дӕр исбӕлвурд кӕнӕн ес уӕхӕн телефонтӕй: 8(8672) 53-08-22, 8(8672) 53-39-06.

Феппайуйнаг: исӕвзургӕ эпидемиологон уавӕр хинцгӕй, хуӕздӕр уодзӕнӕй премимӕ бавдист ӕрмӕгутӕ уӕхӕн электронон почтӕй: zppg@rso-a.ru барветун (ӕрмӕгутӕбӕл фӕббӕрӕг кӕнун гъӕудзӕнӕй  «Къостай преми»).

Адрес: Сӕребари фӕзӕ, 1, 337-аг косӕнуат (бӕстихаймӕ бацӕуни туххӕй рагацау бадзорун гъӕудзӕнӕй уӕлдӕрамунд телефонти номертӕй; адӕймагмӕ гъӕуама уонцӕ санитарон хегъӕуайкӕнуйнади фӕрӕзнитӕ (маскӕ ӕма ӕрмкъохтӕ)).