Цæгаткавказаг кинохроники студий нæуæг объектти проекттæ аразуни мадзал райдайдзæнæй 2023 анзи.

Зундгонд куд æй, уотемæй кинохроники студи аци анз июли мæйи хаст æрцудæй Цæгат Иристони есбонадæмæ. Студи фæстаг æнзти ци æдзæллаг уавæри адтæй, уомæн кæронгонд æрцудæй – æ еугур ихæстæ дæр фист æрцудæнцæ республики бюджети фæрци. Нуртæккæ си цæуй æ бæстихаййæн экспертизæ. Ес уæхæн гъуди, æма уой барæвдзитæ кæнуни бæсти пайдадæр уодзæнæй студий нæуæг бæстихæйттæ исаразун. Куд нисангонд цæуй, уотемæй киностудий фæзуатæй пайдагонд цæудзæнæй  комкоммæ æ нисанеуæгмæ гæсгæ, гъома, кинонивтæ есунæн.