Республикæ Хонсар Иристони Минæварадæ Уæрæсей Федераций æма æнæнхæст бæрнондзийнади æхсæнадæ «Стройцентр» раседтæнцæ аллианзон литературон преми «Болæмæргъ» райсуни фæдбæл радон конкурс.

Премий секретариат куд фегъосун кодта, уотемæй конкурси архайунмæ бавдесæн ес романтæ, уацаутæ, радзурдтæ æмдзæвгитæ, æма литературон исфæлдистади иннæ хузтæ.

Конкурси архайуни фадуат ес, 14 анземæй 41 анзей уæнгæ кæбæл цæуй, еугур еци адæмæн.

Ирон æвзагбæл финст уадзимисти авторти ’хсæн байуардзæнæнцæ æртæ премий: фиццаг – 60 мин соми, дуккаг – 40 мин соми æма æртиккаг – 30 мин соми.

Уомæй уæлдай, литературон преми «Болæмæргъ» иснисан кæнунбæл фондз анзи ке æнхæст кæнуй, еци зæрдæбæлдарæн цауи кадæн организацион комитет æ унаффи конкурси уагæвæрдмæ бахаста уруссаг æвзагбæл финст уадзимисти номинаци дæр. Аци номинацимæ бавдесæн ес аллихузон литературон жанрти финст уадзимистæ.

Номинаций нисангонд æрцудæй еу премии 60 мин соми.

Литературон преми «Болæмæргъ» райсуни туххæй конкурси архайуни фæдбæл еугур фарстатæ дæр исбæлвурд кæнæн ес, секретариатмæ бадзоргæй (æ телефон: +7 (495) 644-27-57, факс:
+7 (495) 644-27-58).