06 июля 2022

МЕДИЦИНОН КЪАБАЗÆН АРГЪГÆНÆГ СÆЙГÆ ÆЙ

17.06.2022 | 17:00

Дзилли цæстингас бæлвурдгæнæг Левадæ-центр Уæрæсей 45 регионеми 1600 адæймагей бафарста, медицини, ахуради æма цæрæнуæттæ-коммуналон хæдзаради архайди туххæй.

Бафарст адæмæн сæ фулдæр (67%) куд нимайунцæ, уотемæй нæдæр сæхуæдтæ, нæдæр ба сæ бийнонти иуонгтæ багъæуаги аккаг хузи медицинон лæггадæ райсунбæл сæ зæрдæ нæ дарунцæ. Зæрдирайгæ цæстингас еци гъуддаги  разиндтæй бафарст адæмæн айдагъдæр се ‘ртиккаг хаййæй минкъийдæрмæ: æдеугурæй 27% уотæ æнгъæл æнцæ, æма багъæуаги син равгæ ес фидибæстон медицини фæрци исдзæбæх унæн.

Æнæнездзийнадæ гъæуайкæнуйнади къабазæй арази æй алли фæндзæймаг адæймаг (бафарст адæми 20%). Уæрæсей Медицинон лæггæдтæй арази ка нæй, уони бæрцæ ба фулдæрæй-фулдæр æнцæ (77%).

Уæрæсейæгтæн айдагъдæр сæ 2% нимайунцæ, уæрæсейаг медицини хуæрзгъæдæдзийнадæ зингæ фæххуæздæр æй, 11% ба – еуцæйбæрцæдæр хуæздæрдзийнадæ си фæззиндтæй. Дзилли зингæдæр  хаййи (39%) гъудимæ гæсгæ  ба еци-еу уавæри æй, æ хуæрзгъæдæдзийнади неци æййивддзийнæдтæ æрцудæй. Фæллæгъуздæр æй, зæгъгæ, ба нимайунцæ

27%, зингæ фæллæгъуздæр æй, зæгъгæ,  ба гъуди кæнунцæ 15%.

ГАЗЕТ «ДИГОРÆ» – АЛЛИ БИЙНОНТÆН!

2022 АНЗИ ÆМБЕСÆН.
Æ РАФИНСУНИ АРГЪ АНЗИ ÆРДÆГÆН ÆЙ 323 СОМИ ÆМА 64 КЪАПЕККИ;

УÆЛБАРТÆМÆ ГÆСГÆ БА – 288 СОМИ ÆМА 96 КЪАПЕККИ.

ГАЗЕТ «ДИГОРÆ» РАФИНСУН ÆНГЪЕЗУЙ «УÆРÆСЕЙ ПОЧТИ» ЕУГУР ХАЙÆДТИ ДÆР, УÆДТА МУХУР УÆЙÆГÆНÆН КИОСКТИ ДÆР.