06 июля 2022

НӔ ДЗИЛЛӔ ӔНОСТӔМӔ СӔРУСТУР ӔЙ Ӕ НАМУСГИН БӔГЪАТӔРТӔЙ!..

23.06.2022 | 15:58

Чиколамæ хорискæсæнæрдигæй тæккæ æрбацæуæни æрбунæттон æй Уæлахези парк. Анзæй-анзмæ æ фæлгонцадæ федауцæдæр кæнуй. Нур ба никки фæббæрæгдæр уодзæнæй æ сæйраг нисанеуæг – нæ Цитгин Уæлахез æма уой сæрбæлтау Устур Фидибæстон тугъди хъазауатонти æскъуæлхтдзийнæдтæ, сæ намус фæлтæрæй-фæлтæрмæ багъæуай кæнун, æностæмæ син кадæ кæнун.

Æ ахсгиагдзийнадæй агъазиау мадзал ба аци парки арæзт æрцæудзæнæй исон, 24 июни. Ами тæккæ уиндгундæр рауæн, Ирæфи райони бæгъатæр тугъдонтæн сæ намусгиндæртæн – Советон Цæдеси Бæгъатæр Махъоти Амурхани фурт Алиханæн, Намуси ордени æнхæст кавалертæ Хъалати Дзагей фурт Семенæн, Юрченко Иосиф Лукьяни фуртæн, Едзати Александри фурт Æхсарбегæн æвæрд æрцудæй номерæн циртдзæвæнтæ сæ бюстти хæццæ æма сæ цитгин уавæри байгон кæндзæнæнцæ 24 июни – зундгонд куд æй, уотемæй 1945 анзи 24 июни Мæскуй Сурх фæзи арæзт æрцудæй Уæлахези Парад.

Чиколай Уæлахези парки ци мадзал арæзт æрцæудзæнæй, уомæ гæсгæ нæ фæндуй радзорун, ке бюсттæ си æвæрд æрцудæй, еци Бæгъатæрти туххæй. Раст зæгъгæй, уæхæн æрмæгутæ нæмæ мухургонд цудæй раздæр дæр, фал нæмæ уотæ кæсуй, æма ма син сæ кой еума хатт ракæнун бунати уодзæнæй. Æрмæгутæ кæсетæ 4-7-аг фæрстæбæл.

ГАЗЕТ «ДИГОРÆ» – АЛЛИ БИЙНОНТÆН!

2022 АНЗИ ÆМБЕСÆН.
Æ РАФИНСУНИ АРГЪ АНЗИ ÆРДÆГÆН ÆЙ 323 СОМИ ÆМА 64 КЪАПЕККИ;

УÆЛБАРТÆМÆ ГÆСГÆ БА – 288 СОМИ ÆМА 96 КЪАПЕККИ.

ГАЗЕТ «ДИГОРÆ» РАФИНСУН ÆНГЪЕЗУЙ «УÆРÆСЕЙ ПОЧТИ» ЕУГУР ХАЙÆДТИ ДÆР, УÆДТА МУХУР УÆЙÆГÆНÆН КИОСКТИ ДÆР.