«Уæрæсейæгтæн сæ фулдæри фæндон æй, цæмæй нæ Фидибæстæ уа размæцудгъон, сабурдзийнадæуарзæг æма сæребарæ», – уæхæн хатдзæг искодтонцæ дзиллон цæстингас бæлвурдгæнæг Еугуруæрæсеуон центри æртасгутæ, æрæги ци дзиллон æрфарст исаразтонцæ, уой бæрæггæнæнтæмæ гæсгæ. Æрфарсти архайæг адæм дзуапп лæвардтонцæ, циуавæрæй уæ уинун фæндуй Уæрæсей, зæгъгæ, фарстайæн. Æма уонæн айдагъдæр сæ 18% байамудтонцæ гъомусадæ æма номдзуддзийнадæ, куд ахсгиаг æвдесæнтæ, уотæ. Æрфарст адæмæн сæ зингæдæр хай уотæ нимайунцæ, æма нæ бæсти æнтæстгин ундзийнадæн тæккæ ахсгиагдæр æнцæ размæцуддзийнадæ æма технологон райрæзт – сæ еци гъудимæ гæсгæ ма уой дæр зæгъун гъæуй, æма раздæри уæхæн æрфæрстити æндæр хузи зундирахаст бæрæгдæр уидæ. Уой фæдбæл уотæ зæгъун æнгъезуй, æма рæстæгутæ куд цæунцæ æма ци æййивддзийнæдтæ хæссунцæ, уонæмæ гæсгæ адæм дæр, æвæдзи, растдæр лæдæрун байдæдтонцæ, абони син сæ цардгъондзийнадæн фулдæр æма хуæздæрæн ци исбæздзæнæй, уой. Рæстмæ уæнтæ сæ фæндити æма бæлдити!.. Æма нæ Фидибæсти алцæмæй дæр сæрустур куд уæн!..

31% – размæцæунгъон бæстæ (технологити æма зонундзийнæдти райрæзт)

9% – цардамондгун бæстæ (фагæдзийнадæ, царди бæрзонд уфт)

10% – бийнонти хæзнадзийнæдтæй тухгин бæстæ

18% – хъаурæгин, цитгин æма гъомусгин бæстæ

30% – сæребарæ, сабурдзийнадæуарзон æма рæстеуæггон бæстæ