Нæ Цитгин Уæлахези цуппаринсæй анзей бæрæгбони фæдбæл нæ республики дзиллитæн зæрдиагæй арфæ кæнуй Цæгат Иристони Парламенти Сæрдар Тускъати Таймораз.

Æ арфи радзубандий куд баханхæ кодта, уотемæй нæ бæсти берæнацион советон дзиллитæ еугурæй дæр Райгурæн бæсти сæребарæдзийнадæ æма хуæдбарæдзийнади сæрбæлтау  еумæйагæй  тох кодтонцæ.

Райгурæн бæстæ æма исонибони фæлтæрти сабур царди барæ ка багъæуай кодта, фæскъилдуни уодуæлдайæй ка фудæбон кодта, уæдта зæууатмæ æрцæуæг бæстæ нæуæгæй æ къæхтæбæл ка ислæуун кодта, еци адæмæн 9 Май æй еумæйаг номерæн бон.

Цитгин Уæлахези бæрæгбон Уæрæсейæн æй уодвæрнон, хъазар хæзна. Еугурадæмон бæрæгбон. Нæ бæсти еугур фæлтæрти ка еу кæнуй, еци еугур адæмон бæрæгбони равгæ нин ес Уæрæсейæй сæрустурдзийнадæ банкъарунæн.  Нæ еумæйаг ихæс æй, тухгиндæр ка кæнуй æма нæ фидтæлти устур æскъуæлхтдзийнадæмæ барæ ке фæрци дарæн, еци историон номерæн фæлтæрæй-фæлтæрмæ хъæртун кæнун.

Цуппаринсæй анзей размæ куд адтæй, уотæ абони дæр Устур Фидибæстон тугъди бæгъатæрти байзæдтæгтæ, сæрмагонд æфсæддон операций архайгæй, нæ бæсти национ интерестæ нифсгунæй гъæуай кæнунцæ.

Фидибæстæ гъæуайгæнгутæн, ветерантæ æма фæскъилдуни фæллойнæгæнгутæн сæрæй ниллæг ковæн!

Цитгин Уæлахези бæрæгбони хуарзæнхæ уæ уæд, мæ хъазар æмзæнхонтæ, мæ зæрдæ уин зæгъуй æнæнездзийнадæ, амонд, фарнæ æма сабурдзийнадæ, нæ цитгин Уæрæсе идарддæр дæр уæлахезонæй куд ирæза, уотæ!