06 июля 2022

«НОМЕРÆН ЦИРАГЪ»

17.06.2022 | 15:05

Цæгат Иристони æнхæст кæнунцæ Еугуруæрæсеуон акци «Номерæн цирагъ», кæци баст æй Устур Фидибæстон тугъди райдайæни хæццæ. Конд цæуй 15-22 июнмæ.

Аци бæнтти Уæрæсей адæм гъигæзæрдæй имисунцæ, тугъди ка фесавдæй, еци æмбæстæгти. Етæ 1941-1945 анзмæ сæ цард иснивонд кодтонцæ нæ бæсти сæрбæлтау. Уæрæсей æруадздзæнæнцæ паддзахадон турусатæ, культури косæндæнтти, телеуинунади, радиойæй хеерхæфсæн мадзæлттæ æййивд æрцæудзæнæнцæ.

Æримисуни æма зæрдæбæл даруни сæйраг проект æй «Номерæн цирагъ». Республики алли цæрæг дæр онлайн-хузи байеу уодзæнæй акций хæццæ, иссодздзæнæй виртуалон цирагъ сайт æримисуни бон. Уæрæсей Федераций ка фæммард æй, уони æ зæрдæбæл æрлæуун кæндзæнæй.

Акций кæронбæттæни Устур Фидибæстон тугъди ветерантæн бакæндзæнæнцæ социалон агъаз. «Фæлтæрти зæрдæбæлдард», куд акци исаразæг, радех кæндзæнæй æхца, етæ æмхузон уодзæнæнцæ содзгæ цирæгъти бæрци хæццæ. Испайда си кæндзæнæнцæ сæрмагонд медицинон агъаз ветерантæн бакæнунæн.

Нæ зæрдæ дарæн, æма нæ республики дзиллæ дæр еузæрдиуонæй байархайдзæнæнцæ аци ахсгиаг мадзæлтти – еци гъуддаг нæхецæн банимайæн æнæмæнгæ исæнхæсткæнуйнаг ихæсбæл.

ГАЗЕТ «ДИГОРÆ» – АЛЛИ БИЙНОНТÆН!

2022 АНЗИ ÆМБЕСÆН.
Æ РАФИНСУНИ АРГЪ АНЗИ ÆРДÆГÆН ÆЙ 323 СОМИ ÆМА 64 КЪАПЕККИ;

УÆЛБАРТÆМÆ ГÆСГÆ БА – 288 СОМИ ÆМА 96 КЪАПЕККИ.

ГАЗЕТ «ДИГОРÆ» РАФИНСУН ÆНГЪЕЗУЙ «УÆРÆСЕЙ ПОЧТИ» ЕУГУР ХАЙÆДТИ ДÆР, УÆДТА МУХУР УÆЙÆГÆНÆН КИОСКТИ ДÆР.