07 февраля 2023

ПАРЛАМЕНТ

23.09.2022 | 15:26

РÆСТÆГ ДОМУЙ ÆНТÆСТГИНДÆР КУСТ

Цæгат Иристони, æвдæймаг равзурст Парламентæн евгъуд цуппæрæни адтæ фиццаг æмбурд. Архайдта си нæ республики Сæргълæууæг Сергей Меняйло. Æ радзубандий нæуæг разурст депутаттæн райарфæ кæнгæй, загъта:

– Нæ размæ лæууй хъæбæр ахсгиаг ихæстæ,  æма нæ еумæйаг æма æнгом кустæй аразгæ уодзæнæй нæ адæми нивæбæл цард æма сæ фæрнугадæ.

Аци æмбурди Парламенти Сæрдарæй æвзурст æрцудæй Тускъати Руслани фурт Таймораз. Уой фæдбæл æ арфи дзубандий Тускъай-фурт загъта:

– Уæ аци æууæнкæ мæнбæл æвæруй устур ихæс, æма уой исæнхæст кæнунбæл мæ хъауритæ нæ бавгъау кæндзæнæн.