09 февраля 2025

«ПИРОЛА»: КУД  ДЗОРУНЦÆ, УÆХÆН ТÆССАГ НÆЙ

28.10.2023 | 21:10

Фæззæг æ хæццæ ’рбахаста тæссагдзийнæдтæ, уæдта ма нæбæл нæуæгæй коронавируси пандеми истухгин æй. Никки ба ма иннæ бæстити фæззиндтæй «корона»-йи æндæр хузæ «пирола». Цæмæ нин æнгъæлмæ кæсгæй?

Уæрæсейаг наукити Академий академик, игъустгонд специалист Геннадий Онищенко куд зæгъуй, уотемæй коронавирус «пирола»-йæй нерæнгæ берæ адæм нæма фæссæйгæ ’нцæ. Уонæмæ гæсгæ нæ бон æй еци омикрон рабæрæг кæнун. Еугур дуйней дæр нези змæлдмæ гъосдард цæуй.

Уавæр куд æвдесуй, уотемæй нези бæрцæ ирæздзæнæй, фал «пирола» омикрони æййивд хузæмæ ке хауй, уомæ гæсгæ уæхæн тæссаг нæй. Омикрони фиццаг хузтæй нез рæуæгдæрæй рацæуй, фал хуæцгæ нез æй. Коронавирусон хуæцгæ незæй 2021 анзи фæссæйгæ ’й æма исдзæбæх æнцæ 700 миллион адæймаги, 7 миллион адæймаги ба рамардæнцæ. Уæрæсей цæргутæй аци незæй фæссæйгæ ’нцæ 23 миллион адæймаги.

Анна Попова,«Роспотребнадзор»-и сæйраг дохтир, куд зæгъуй, уотемæй «пирола» кæмæ бахъæрттæй, уони сæйгæдони æвæрун нæ гъæуй. Адæймаги бауæри тæвдæ исбæрзонд уй, æхе лæгъуз фæллæдæруй, фар нерæнгæ бæрæг нæй, æ фæсте циуавæр незтæ расайуй, е.

Æнæнездзийнади Еугурдуйнеуон организаци куд унаффæ кæнуй, ковид нæ цардæй рандæй æма æнæнгъæлæги уавæртæ раййевун гъæуй. Е бустæги уотæ нæй. Геннадий Онищенкой дзубандимæ гæсгæ, æвæдзи, æрцæудзинан маскитæ даруни фæткæмæ. Еугур бæсти ку нæ, уæддæр хецæн рауæнти. Еске тæрсун кæнун хуарз нæй, фæззигон вирусон незтæ  ахид æнцæ, е еугуремæн дæр зундгонд æй. Гриппи нихмæ прививкæ дæр уавæр фæррæуæгдæр кæнидæ.