06 июля 2022

РÆСТВÆНДАГ ÆМА ЦАРДГЪОН УÆНТÆ НÆ КÆСТÆРТÆ!..

28.05.2022 | 12:11

Æрæги нæ республики еугур астæуккаг ахургæнæндæнтти дæр низзæланг кодта дзæнгæрæг – уотемæй фæндараст кодтонцæ сæ рауагъдонти. Берæ арфитæ райгъустæй уой фæдбæл арæзт цитгингæнæн мадзæлтти рæстæг. Зæрдитæ син æвардтонцæ: «Абони уин дзæнгæрæг ци фæндарасти азæлдæй изæлуй, е уæ рæствæндаг кæнуй уæ царди никки хуæздæр æййивдзийнæдтæмæ. Зонетæ ’й, уæ ахури рæстæги ци зонундзийнæдтæ райстайтæ, уонæй фæххайгин айтæ уæ ахургæнгутæ æма уæ ниййергути фæрци. Æма уонæй – зонæн æй – кæддæриддæр арфиаг уодзинайтæ, æнзти хæццæ никки фулдæр кæндзæнæй уæ арфæ. Сæ фудæбон, уарзондзийнадæ, уозæлдбæл уæ бон уодзæнæй æнцойнæ кæнун, федæнмæ надбæл цæугæй. Уæ размæ нуртæккæ байгон æнцæ уæ арæхстдзийнадæ, искурдиадæ равдесуни гæнæнтæ. Фал бал гъæуама раздæр фæлварæнтæ раттайтæ, уой фæсте иссердзинайтæ еугуремæй хуæздæр дæсниадæ. Кæддæриддæр уотæ дæсни, уæ къохи ци бафтуйа, уобæл еу рауæн ма ’рлæууетæ, уæд уæмæ æнгъæлмæ кæсуй æнтæстдзийнадæ. Алцидæр уин бантæсдзæнæй!..

Цæгат Иристони ахуради æма науки министр АЛИБЕГТИ Эллæ ахид бабæрæг кæнуй республики ахургæнæндæнттæ æма син сæ уавæртæ бæлвурдæй зонуй.

Æма уин бантæсæд уони зæрдитæ уæ хуæрзæгъдауæй æма арфиаг гъуддæгутæй рохс кæнун, цæмæй уи боз æма сæрустур уонцæ!..

… Фæцæй бæрæгбон æма рауагъдонтæн ралæудтæй бæрнон рæстæг – фæлварæнтæ. Еци ахсгиаг гъуддагмæ Цæгат Иристони скъолати куд бацæттæ кодтонцæ, уой фæдбæл нæ фарстатæн Еумæйаг Паддзахадон Фæлварæн райдайуни размæ (идайгæ ба ракодта 26 майи) дзуæппитæ равардта нæ республики ахуради æма науки министр Алибегти Эллæ. Æрмæг кæсетæ 4-аг фарсбæл.

ГАЗЕТ «ДИГОРÆ» – АЛЛИ БИЙНОНТÆН!

2022 АНЗИ ÆМБЕСÆН.
Æ РАФИНСУНИ АРГЪ АНЗИ ÆРДÆГÆН ÆЙ 323 СОМИ ÆМА 64 КЪАПЕККИ;

УÆЛБАРТÆМÆ ГÆСГÆ БА – 288 СОМИ ÆМА 96 КЪАПЕККИ.

ГАЗЕТ «ДИГОРÆ» РАФИНСУН ÆНГЪЕЗУЙ «УÆРÆСЕЙ ПОЧТИ» ЕУГУР ХАЙÆДТИ ДÆР, УÆДТА МУХУР УÆЙÆГÆНÆН КИОСКТИ ДÆР.