29 февраля 2024

СÆЙРАГДÆР – ÆДАСДЗИЙНАДÆ ÆМА САБУРДЗИЙНАДÆ

13.01.2024 | 13:28

Цæгат Иристони Сæргълæууæг Сергей Меняйло ин разамунд лæвардта, уотемæй æрæги адтæй террори нихмæ архайди фæдбæл æма республики оперативон штаби æмбурд. Дзубанди си цудæй национ æма конфессионалон рахастдзийнæдти, æхсæнадон-политикон, спортивон æма æндæр дзиллон гъуддæгути æдасдзийнади уавæртæ аразуни фæдбæл ведомствити æмгустади фарстатæбæл.

Æмбурд игон кæнгæй, Сергей Меняйло æ радзубандий сæрмагондæй баханхæ кодта уой, æма Уæрæсей Федераций Президенти æвзурстити рæстæг аллихузон знаггадæхæсгутæ, æхсæнадон цардиуагæ æзмæнтгутæ сæ сæртæ ке исдардзæнæнцæ. Сæ фудвæндæ æй нацити æма аллихузон динтæ æнхæстгæнæг дзиллити ’хсæн уавæр исæзмæнтун, экстремизм æма терроризми фæззиндтитæ фæсевæди ’хсæн рапарахат кæнун.

Национ политикæ æма æндагон бастдзийнæдти министри хуæдæййевæг Вадим Лесь куд радзурдта, уотемæй уæхæн тæссагдзийнæдтæн гæрæнтæ исаразуни туххæй испайда кæнун гъæуй уæлæнхасæн мадзæлттæй. Медгъуддæгути министради регионалон пъæлици хецауи хуæдæййевæг Агънати Урузмæг ба радзурдта, барадон æма æхсæнадон æдасдзийнади туххæй се ’рдигæй ци мадзæлттæ арæзт цæуй, уой туххæй.

Æмбурди туххæй нин фегъосун кодта нæ республики Сæргълæууæги æма Хецауади пресс-службæ