28 майя 2022

Сергей МЕНЯЙЛО: «МӔ ЗӔРДӔ УИН ЗӔГЪУЙ ФЕДАР ӔНӔНЕЗДЗИЙНАДӔ, ЦАРДИ ДӔРГЪВӔТИЙНӔ АМОНДГУН ӔНЗТӔ!..»

30.09.2021 | 10:26

НÆ ЦИТГИН ХЕСТÆРТÆ – НÆ КÆСТÆРТÆН КУРУХОН РАЗВÆНДАГ АМОНГУТÆ

Нури доги ци бӕрӕгбӕнттӕ бӕрӕггонд цӕунцӕ, уонӕн сӕ тӕккӕ цийнагдӕртӕй ӕй рацӕргӕ адӕймӕгути Ӕхсӕнадӕмон бон. Бӕрӕггонд цӕуй ӕнӕгъӕнӕ дуйней дӕр 1991 анзӕй фӕстӕмӕ алли анз дӕр 1 октябри. Бӕрӕгбони фӕдбӕл Цӕгат Иристони хестӕртӕн райарфӕ кодта нӕ республики Сӕргълӕууӕг Сергей Меняйло. Ӕ арфи нистауӕни сӕрмагондӕй баханхӕ кодта: «Аци бӕрӕгбони фӕдбӕл уин, нӕ хъазар хестӕртӕ, зӕрдибунӕй арфӕ кӕнгӕй, фӕндуй мӕ зӕгъун уой, ӕма цӕйбӕрцӕбӕл сӕрустур ӕма боз уи ан уӕ хъазауатон фӕллойни, уӕ агъазиау уодиконди тухгиндзийнади туххӕй. Сумах махӕн айтӕ нифсдӕттӕг уодӕнцойнӕ, тӕккӕ сӕйрагдӕр хӕзна ӕма национ есбон. Сумахӕн уӕ цардвӕндаг агъазиау ӕй. Уӕ фӕллойнадон ӕскъуӕлхтдзийнӕдтӕ ӕма нӕ республики райрӕзтмӕ ци зингӕ ӕвӕрӕн бахастайтӕ, уонӕй мах алкӕддӕр сӕрустур ӕма уи ӕгӕрон арфиаг уодзинан. Ӕма мӕ фӕндуй сумахӕн райарфӕ кӕнун, аргъ кӕмӕн нӕййес, уӕ еци ахедгӕ фӕллойни ӕма уоди федар хъаури туххӕй.

Ӕруагӕс ми кӕнуй, абони дӕр уӕ зонундзийнӕдтӕ, устур фӕлтӕрддзийнадӕ ӕма республики цардиуаги хабӕрттӕбӕл рӕстзӕрдӕй тухсундзийнадӕ устур агъаз фӕууодзӕнӕнцӕ нӕ еумӕйаг гъуддагӕн – Цӕгат Иристони ӕнтӕстгинӕй райрӕзт ӕма хуарздзийнадӕн.

Мӕхердигӕй ба мӕ зӕгъун фӕндуй: сумахбӕл ауодун, уӕ царди хуӕрзгъӕдӕдзийнадӕ фӕххуӕздӕр кӕнунӕн гъӕугӕ уавӕртӕ аразун махӕн ӕй нӕ агъазиаудӕр ихӕс, ӕма, махӕй ци аразгӕ ‘й, уомӕй алцидӕр кӕндзинан, цӕмӕй нӕ республики хестӕр фӕлтӕр цӕра уодӕнцойнӕй ӕма амондгунӕй.

Мӕ зӕрдӕ уин зӕгъуй федар ӕнӕнездзийнадӕ, уодиконди цӕрдӕгдзийнадӕ, дӕргъвӕтийнӕ царди амондгун ӕнзтӕ, уӕ хеуӕнттӕ ӕма къабӕзти ӕновуддзийнадӕ. Уӕ кӕстӕрти хортӕй бафсӕдетӕ, нӕ хъазар хестӕртӕ! Уӕхе гъӕуай кӕнетӕ!..»