21 ноября 2026

ТЕРРОРИЗМИ НИХМÆ – АХЕДГÆ МАДЗÆЛТТÆ

26.09.2026 | 22:24

Нæ республики Сæргълæууæг Сергей Меняйло си сæрдареуæг кодта, уотемæй æрæги Алагири арæзт æрцудæй регионалон Оперативон штаб æма терроризми нихмæ Къамиси еумæйаг æмбурд. Архайдтонцæ си республики хецаудзийнади бæрнон косгутæ, цæстдарæг æма барадæгъæуайгæнæг къабæзти минæвæрттæ, муниципалон искондти сæргълæугутæ.

Сергей Меняйло куд фегъосун кодта, уомæ гæсгæ уæхæн æмбурдтæ арæзт цæудзæнæнцæ алли райони дæр, цæмæй бунати уавæр хуæздæр бæрæггонд цæуа.

Æмбурди бæлвурдæй дзубанди цудæй бунати æцæг уавæр исбæрæг кæнун, тасдзийнадæ цæмæй фæмминкъийдæр уа, уой туххæй профилактикон куст фæййахедгæдæр кæнуни фæдбæл. Уæлдай æргом раздахтонцæ, ирæзгæ фæлтæри ’хсæн терроризм æма экстремизми идеологий фæззиндтити мадзæлттæмæ.

Сергей Меняйло баханхæ кодта уой, æма терроризм ма ’руадзуни туххæй профилактики фарстати гъæуама æмархайд кæнонцæ, уомæй комкоммæ ихæсгин ка ’й, еци еугур ведомствитæ æма структуритæ.

– Фæндуй мæ фæббæрæг кæнун республики барадæгъæуайгæнæг æма хецауади оргæнти хуарз еумæйаг куст. Фал цийфæнди агъазиау ку уа еци куст, уæддæр нæхебæл фенвæрсун æма нæ архайд фæффæлмастдæр кæнуни барæ ба нæ уæддæр нæййес, терроризм æма экстремизми нихмæ тохи гъуддаги абон-исон гæнæн нæййес, еудадзугдæр къæрцгъос æма нихкъуæрд дæттунгъон гъæуама уæн.

Еугур еци фарстати фæдбæл адтæнцæ сæ радзубандитæ æмбурди архайгутæн.

Этот сайт использует cookie для хранения данных. Продолжая использовать сайт, вы даете согласие на работу с этими файлами.

Политика в отношении обработки персональных данных