Æрæги, нæ республики Парламенти Совети æмбурди æркастæнцæ «Тугъдон цаути ветеранти Бон Республикæ Цæгат Иристон-Аланий иснисан кæнуни туххæй» закъони проектмæ.

Закъон федаргонд ку ’рцæуа, уæд аци бон алли анз дæр 1 июли сæрмагондæй бæрæг кæндзæнæй нæ республикæ. Тугъдон цаути ветеранти нимæдзæ Цæгат Иристони нуртæккæ ’й 25 мин адæймаги. Бæрæгбони нисан уодзæнæй закъонæвæруйнадон бундорбæл син сæ ном нимайун, сæ кадæ син бæрзонд хæссун æма се ’фсæддон намус æма лæгдзийнадæн аккаг аргъ кæнун.