ТУЙГЪАНТИ Мухарбеги конд хузæ.

Туйгъанти Аслӕнбеги фурт Батӕрбег адтӕй, хе хецӕндзийнадӕй бӕлвурд цӕмӕдессаг ке исфӕлдистадӕй ӕй, уӕхӕн искурдиадӕгин прозаик, поэт, драматург ӕма тӕлмацгӕнӕг. Хъӕбӕр баргъонӕй нӕ бон ӕй уотӕ зӕгъун, ӕма ин исфӕлдистадон ӕгъдауӕй ци бантӕстӕй исаразун, уомӕй е зингӕ-зингӕ фӕгъгъӕздугдӕр кодта нӕ национ литературӕ. Уомӕ гӕсгӕ ба ӕ рохс ном цитгингонд цӕуа фӕлтӕрӕй-фӕлтӕрмӕ, кадӕ ин гъӕуама кӕнӕн. Уомӕн ба нин абони хуарз равгӕ ес – ӕрӕги, 4 июли Туйгъанти Батӕрбеги райгурдбӕл исӕнхӕст ӕй финддӕс ӕма авдинсӕй анзи (1866-1921). Ӕма уой фӕдбӕл ӕрмӕгутӕ абони мухур кӕнӕн нӕ газети 4-5-аг ӕма 8-9-аг фӕрстӕбӕл.