Цӕгат Иристони Парламенти Сӕрдар Алексей Мачнев Уӕрӕсей мухури фӕдбӕл зӕрдиагӕй райарфӕ кодта нӕ республики журналисттӕн, мухури Бони ӕма дзиллон хабархӕссӕг фӕрӕзнити еугур косгутӕн дӕр. Ӕ арфи радзубандий уотӕ баханхӕ кодта: «Цӕгатиристойнаг журналистикӕ цитгийнаг ӕй ӕ гъӕздуг анзфинстӕй, гъомусгин ӕгъдӕуттӕ ӕма фӕткитӕй. Цӕмӕй ӕ райрӕзт ӕнтӕстгин уа ӕма ӕнхӕст кӕна ӕ берӕвӕрсуг ихӕстӕ, уобӕл хъӕбӕр ӕновудӕй архайдтонцӕ нӕ искурдиадӕгин журналистти берӕ фӕлтӕртӕ.

Абони дӕр етӕ фӕнзуйнаг ӕнцӕ журналистти нуриккон фӕлтӕрӕн, уӕлдайдӕр ба, абони ӕ исфӕлдистадон над кӕмӕн райдӕдта, уонӕн. Ӕма си беретӕ ӕнтӕстгинӕй архайунцӕ абони республики медиатугъдади фӕрӕзнити. Етӕ ‘хсӕнадӕмӕ хъӕртун кӕнунцӕ ахсгиаг ӕма ахедгӕ хабӕрттӕ, ӕвдесунцӕ политикон цард, экономикӕ ӕма социалон къабӕзти уавӕр.

Мухури, рауагъдади ӕма полиграфий кадгин косгутӕ! Уӕрӕсейаг мухури Бони уин мӕ зӕрдӕ зӕгъуй, цӕмӕй ӕнхӕст уайтӕ ӕнӕсфедуйгӕ хъаурӕй, нифс, разӕнгарддзийнадӕй ӕма исфӕлдистадон ӕнтӕстдзийнӕдтӕй. Уӕ исфӕлдистадӕ куд ӕргом кӕна аллихузон цӕмӕдессаг ӕрмӕгутӕй, разӕнгардӕй куд архайайтӕ нӕ республики хуарздзийнади сӕрбӕлтау. Амондгун, фӕрнӕйдзаг уотӕ, уӕ размӕ ци ихӕстӕ ӕвӕретӕ, етӕ уӕ къохи бафтуйӕнтӕ!