Конкурси уæлахездзаутæ.

Ирæфи райони Советони гъæуи астæуккаг скъолай ахурдзаути ’хсæн  Уæлахези 80 анзей бæрæгбони кадæн арæзт æрцудæй хузæкæнуйнади конкурс – «Уæлахез – сабийти цæститæй». Скъоладзаутæ ци хузтæ исаразтонцæ, уонæн аргъ кодтонцæ жюрий иуонгтæ: Ирæфи райони культури Галауани сæргълæууæг Махъоти Алик, методист Гъуцъунати Батæрбег æма райдайæн кълæсти ахургæнæг Зæгæлти Томæ. Аци мадзал айдагъ хузтæ кæнунæй нæ рахецæн æй – хъæбæр зæрдæмæдзæугæ рауадæй уомæй дæр, æма си сабийтæ хъæбæр дæсни кастæнцæ Устур Фидибæстон тугъди туххæй финст æмдзæвгитæ.

Конкурси ци хузтæ æвдист æрцудæнцæ, етæ еугурæй дæр аййев адтæнцæ, фал си уæддæр хуæздæртæбæл нимад æрцудæнцæ: Мæрзойти Доменики конд хузæ «Уæззау тугъд», райста 1-аг бунат, дуккаг бунат  ниййахæста Анастасия Энвери конд хузæ «Медицинон хуæрæ», æртиккаг бунат ба ниййахæста Таухъазахти Виктория.

Конкурси архайгутæн æ исаразгутæ балæвар кодтонцæ хузæгæнæн хуарæнти æмбурдгæндтæ.

БИЧИЛТИ Алетæ

МÆРЗОЙТИ Доменики конд хузæ «Уæззау тугъд».

ЭНВЕР Анастасияйи конд хузæ «Медицинон хуæрæ».

ТАУХЪАЗАХТИ Викторияйи конд хузæ.