25 майя 2022

УÆЛАХЕЗОНÆЙ РАНÆХСТÆР ÆНЦÆ СÆ ИСОНИБОНИ НАДБÆЛ

28.05.2021 | 16:05

Нæ республики скъоладзаути сæ ахури гъуддагмæ исфæлдистадон цæстингасæй кæсуни нисанеуæгæй  нур берæ æнзти дæргъи хестæркъласонти æхсæн арæзт цæуй интеллектуалон-ахурадон конкурс «Анзи рауагъдон». Æрæги Дзæуæгигъæуи бæрæггонд æрцудæнцæ конкурси аци анзи бæрæггæнæнтæ.

Зундгонд куд æй, уотемæй хестæркъласонти ’хсæн интеллектуалон-ахурадон конкурс арæзт цæуй ахуради ирæзтæн агъазгæнæг цæгатиристойнаг Фонд «Кредо-знание»-й хъæппæресæй. Аци анз конкурс арæзт æрцудæй  авд æма инсæйæймаг хатт.

МÆХЪИТИ Ладæ

Конкурси аци анзи бæрæггæнæнтæ исбæлвурд кæнуни фæдбæл Дзæуæгигъæуи разамаунди институти арæзт æрцудæй сæрмагонд мадзал. Архайдта си нæ республики  Хецауди Сæрдари ихæстæ рæстæгмæ æнхæстгæнæг Тускъати Таймораз. Аци исфæлдистадон ериси нæуæг уæлахездзаутæн зæрдиагæй райарфæ кæнгæй, е загъта:

ÆРСОЙТИ Геуæрги

– Скъоладзаути ерисæн ес арфгъудигонд æма цæмæдессаг программæ. Уой фæрци ерисгæнгутæ ирдæй равдесунцæ сæ зонундзийнæдтæ алли номинацити. Аци анз конкурси уæлахездзаутæн зæрдиаг арфæ кæнун! Уой хæццæ, арфæ кæнун, уæхæн цæмæдессаг еристæ скъоладзаутæн ка бацæттæ кæнуй, еци фонди косгутæн. Авд æма инсæй анземæ интеллектуалон конкурси сæ хъауритæ бавзурстонцæ берæ искурдиадæгин фæсевæд. Уонæн зонадон ерис зингæ фæййагъаз æй сæ идарддæри ахури, уæдта сæ наукон-кустадон архайди дæр.

Костас ПОПАНДОПУЛО

Аци анз конкурси уæлахездзаутæ бæрæггонд æрцудæнцæ уæхæн номинацити: «математикæ», «информатикæ», «физикæ», «хими» æма «биологи». Еумæ райсгæй, конкурси уæлахездзаутæбæл нимад æрцудæй Физикон-математикон республикон лицей-интернати 11-аг къласи ахурдзау Æрсойти Геуæрги. Дуккаг æма æртиккаг бунæттæ

Александр ЗЕНКОВ

конкурсон къамис исаккаг кодта амунд лицей-интернати 11-аг къласи ахурдзау Александр Зенков æма Дзæуæгигъæуи муниципалон лицейи 11-аг къласи ахурдзау Дмитрий Гриценкойæн. Конкурси уæлахездзаутæн æма призертæн исаккаг кодтонцæ æхцай призтæ æма дипломтæ. Сæ хуæрзеугутæ син зæрдиаг арфити хæццæ равардта Тускъати Таймораз.

Дмитрий ГРИЦЕНКО

Фонд «Кредо-знание»-й президент Дзгойти Валерийи дзубандимæ гæсгæ, скъоладзаутæн аци конкурс агъаз æй сæ хъауритæ ирддæрæй раргом кæнунæн æма сæ зонундзийнæдтæбæл бафтаунæн.