Уалдзæг æма Фæллойни Бæрæгбон (1 майи) æма Цитгин Уæлахези Бон (9 майи) нимад æнцæ фæлладуадзæн бæнттæбæл. Æма æнæуой фæлладуадзæн бæнттæ ку раргъæвунцæ, уæд фæлладуадзæн бæнттæбæл нимад æрцæунцæ хæстæгдæр косгæ бæнттæ. Аци анз фæлладуадзæн бæнттæ уодзæнæнцæ майи фиццаг дæс бони. Уæрæсей Президент Владимир Путин куд загъта, уотемæй уæхæн фæндæ бахаста «Роспотребнадзор»-и разамонæг Аннæ Попова – уой гъудимæ гæсгæ, е уайдæ раст, уомæн æма уæрæсейæгтæ, фæлладуадзæн бæнтти фæсте сæ цæрæн рауæнтæмæ ‘здæхгæй, пайда кæндзæнæнцæ æхсæнадон транспортæй, эпидемиологон уавæр бабæй тæссаг æй.

Владимир Путин исарази æй æ фæндонбæл. Æма ци сæрмагонд Указ бафинста, уомæ гæсгæ майи фиццаг дæс бони уодзæнæнцæ фæлладуадзæн бæнттæ. Уогæ æнæ косæн кæмæн нæййес, еци коллективтæ ба уæддæр косдзæнæнцæ, æцæг сæхе уавæртæмæ гæсгæ бæрæггонд фæткитæмæ гæсгæ.