20 майя 2024

ВЛАДИМИР ПУТИН РАЙДÆДТА УÆРÆСЕЙ ПРЕЗИДЕНТИ ИХÆСТÆ ÆНХÆСТ КÆНУН

08.05.2024 | 23:34

Æзинæ, 7 апърели Устур Кремли Андрееваг зали арæзт æрцудæй  сæрмагонд мадзал – инаугураци. Уоми Владимир Путин, æрæги нæуæгæй Уæрæсей Президентæй æвзурст ке ’рцудæй, уой фæдбæл официалон æгъдауæй райста паддзахади разамонæги ихæстæ æнхæст кæнуни барæ. Еци бунати уодзæнæй æхсæз анзей дæргъи – 2030 анзи уæнгæ.

Куд нæуæгæй равзурст Президент, уотæ Владимир Путин ард бахуардта. Нæ бæсти Конституцион тæрхондони сæрдар Валерий Зорькин Путини къохмæ равардта Президенти хецаудзийнади нисанеуæгтæ, уони хæццæ ба президенти нисанеуæг – сугъзæрийнæй конд Геуæргий дзиуарæ, кæцибæл хузæгонд æй Уæрæсей Федераций Герб æма сугъзæрийнæ рæхисбæл ба финст девиз «Пайда, кадæ æма аргъкæнуйнадæ».

Паддзахади сæргъи нæуæгæй æрлæугæй,  Владимир Путин æ нистауæни радзубандийæй нæ бæсти цæргутæн фегъосун кодта, абони нæ Фидибæстæн уæлдай ахсгиагдæр циуавæр фарстатæ ’нцæ æма уони æнхæст кæнуни фæдбæл ци арæзт цæудзæнæй, уой туххæй.

Уæрæсей Президенти ихæстæ Владимир Путин æнхæст кæндзæнæй фæндзæймаг хатт.

Ардбахуæрди фæсте Президенти штандарт æвæрд æрцæудзæнæй æ косæн уати. Президенти нисан ба уодзæнæй Кремли фиццаг корпуси хуæрзеугути зали.