Аци бæнтти Уæрæсей Федераций æма Республикæ Цæгат Иристон-Аланий æскъуæлхт дохтир, медицинон наукити кандидат, Дзæуæгигъæуи 1-аг поликлиники сæйраг дохтир Магати Хъазбег бæрæг кæнуй æ дæс æма æртинсæй анзей бон.

Юбилярæн зæрдиаг арфитæ æма хъазар лæвар ракодта Цæгат Иристони Сæргълæууæг Битарти Вячеслав.

Республики разамонæг æ арфи дзубандий фæббæрæг кодта, Магай-фурти байвæрæн медицини къабази райрæзтмæ.

– Ду берæ æнзти дæргъи æнтæстгин разамунд дæттис поликлиникæн, ахедгæ куст кæнис медицинон кадртæ цæттæ кæнунбæл. Еудадзуг дæр архайис адæми æнæнездзийнадæбæл æма е, æцæгæйдæр, устур æма фæрнуг нисан æй. Мæ зæрдæ дин дæхецæн дæр зæгъуй федар æнæнездзийнадæ, дæ берæвæрсуг архайд æнтæстгин куд уа, – фæббæрæг кодта Битарти Вячеслав.

Магати Хъазбег арфæ ракодта республики Сæргълæууæгæн, æ архайдæн ин уæхæн бæрзонд аргъгонд ке цæуй, уой фæдбæл.

Мах дæр, газет «Дигори» коллектив, хъæбæр æхцæуæнæй ин арфæ кæнæн Тохъайти Нох æма Магати Хъазбегæн, нæ зæрдæ син зæгъуй никки агъазиаудæр æнтæстдзийнæдтæ, зæрдрохс бæнттæ.