18 апреля 2024

ХАБÆРТТÆ, ЦАУТÆ…

30.11.2022 | 21:54

Нæ республики нæдтæ цалцæг кæнуни æма аразуни нисанеуæгæй федералон бюджетæй дехгонд æрцæудзæнæй 515 миллион соми.

Цæмæй нæ кæстæртæ æнæнезæй, игъæлдзæгæй ирæзонцæ, уой туххæй нæ республики берæ аллихузон гæнæнтæ æма равгитæ арæзт цæуй. Уомæн еума æвдесæн иссæй, æрæги Черменигъæуи ци нæуæг рæвдауæндонæ байгон æй, е дæр – исиуазæг си кæндзæнæнцæ 2-7-анздзуд 120 сувæллоней. Цæмæй си рæстæг зæрдæхцæуæнæй æма пайдайæй æрветонцæ, уой туххæй ес еугур мадзæлттæ дæр.

* * *

Уæрæсей Хецауадæ Цæгат Иристонæн радех кæндзæнæй 26,7 миллион соми агропромышленнон комплекси райрæзтæн. Уони фæрци гъæуама арæзт æма цалцæггонд  æрцæуонцæ æхсири æма фиди кустгæнæг фермитæ, гъæууонхæдзарадон продукци дарæнтæ, селекцион-хуæрзмуггагон центртæ аразунæн.

* * *

Уæрæсей Президент В. Путин зæрдæ байвардта, нæуæг анзи январи бюджетон косгутæн сæ мизди бæрцæ фулдæргонд ке ’рцæудзæнæй, уомæй. Уæхæн равгитæ ци регионти нæ уа, уонæн ба финансон æгъдауæй агъазгонд æрцæудзæнæй.

* * *

Дзæуæгигъæуи вагæнттæ цалцæггæнæн завод цæмæй нуриккон уавæрти дæр æнтæстгинæй бабæй косун байдайа, уомæн гъæугæ мадзæлттæ исаразунæй зæрдæ байвардтонцæ Уæрæсей экономикон райрæзти министри хуæдæййевæг Сергей Назаров æма «Уæрæсей æфсæн нæдти» генералон директори хуæдæййевæг Александр Плутник.

* * *

Куд нисангонд цæуй, уотемæй Цæгат Иристони хецаудзийнади хъæппæресæй 19,1 миллион соми харзгонд æрцæудзæнæй берæсувæллонгин æма цубуркъох бийнонти, уæдта сæрмагонд тугъдон операций архайæг æфсæддонти бийнонти сувæллæнтти нæуæганзон лæвæрттæй барæвдаунæн.

* * *

Уæрæсей адæмон хузæгæнæг Челæхсати Магрези конд хузти равдист арæзт æрцудæй Мæздæги райони. Аци бæнтти имæ ци берæ дзиллæ цæунцæ, етæ хъæбæр зæрдæхцæуæнæй зонгæ кæнунцæ искурдиадæгин армдæсний исфæлдистади хæццæ.