Эпидемиологон уавæр ке фæттæссагдæр æй, уомæ гæсгæ дзиллон хабархæссæг фæрæзнити зиннун байдæдтонцæ гъуддаг лæдæрунгæнæн æрмæгутæ. Зæгъæн, зундгонд дохтир – инфекционист Евгений Тиманови гъудимæ гæсгæ бæсти эпидемиологон уавæри уодзæнæй гриппи æртæ уолæни. Æ дзубандимæ гæсгæ нуртæккæ цæуй фиццаг уолæн, нæуæг анзи фæсте – дуккаг, феврали кæрони – æртиккаг. Уалдзæгмæ уодзæнæй æртæ уолæни. Нуртæккæ незгунти бæрцæбæл æфтуйуй, æртæ къуæрей фæсте грипп æ ирæзт бауорамдзæнæй. Инфекционист ма куд зæгъуй, уотемæй дуккаг æма æртиккаг уолæнтæ сабурдæр уодзæнæнцæ. Гриппи алли хузæн дæр ес æхе иммунитет, цалдæр хатти дæр гриппæй фæссæйгæ уæн ес.