07 февраля 2023

ÆНÆНЕЗДЗИЙНАДÆ

21.01.2023 | 21:00

Национ проект «Æнæнез-дзийнадæ»-мæ гæсгæ нисангонд мадзæлттæ гъæугæ хузи исæнхæст кæнунæн Цæгат Иристон райста 500 миллион соми. Еци фæрæзнитæ харзгонд цæудзæнæнцæ медицинон косæндæнттæ исцалцæг кæнун æма син гъæугæ ефтонггæрзтæ балхæнунæн. Зæгъæн, аци анз бавналдзæнæнцæ Беслæни тагъд медицинон агъази станцæ аразунмæ, уæдта райони поликлиникæ цалцæг кæнунмæ, бундоронæй исцалцæг кæндзæнæнцæ цалдæр гъæуеми (Мæздæги райони Виноградныйи æма Притеречныйи, Горæтгæрони райони Ногири) амбулаторитæ. Архайд уобæл цæуй, цæмæй куд устур цæрæн рауæнти, уотæ сауæнгæ идæрддзæф гъæути дæр адæмæн равгитæ уа гъæугæ медицинон агъаз райсунæн.