20 апреля 2024

ÆНÆНЕЗДЗИЙНАДÆ

08.07.2023 | 22:38

Куд зонæн, уотемæй Цæгат Иристони гъæути цæргутæн фæстаг  рæстæг фæззиндтæй хуарз равгæ се ’нæнездзийнадæ исбæрæг кæнунæн – кезугай гъæутæ бабæрæг кæнунцæ цæугæ медицинон комплекстæ. Еци равгæй июни райдайæнмæ испайда кодтонцæ 13,3 мин адæймаги. Нуртæккæ нæ республики  косунцæ еуæндæс уæхæн комплекси (арæзтгонд ба ’нцæ флюорогрæфтæ, маммогрæфтæ æма цæугæ фельдшерон-акушерон косæндæнттæ). Аци  комплекси ихæс æй гъæути цæрæг адæми æнæнездзийнади уавæр лæмбунæг рартасун. Цæугæ медицинон комплекстæ кæци бон ци гъæумæ бацæудзæнæнцæ, уой туххæй хабар базонæн ес Æнæнездзийнадæ гъæуайкæнуйнади министради официалон сайти æма райони медицинон косæндæнтти.