Агъазиау культурон-ахурадон фестиваль æрæги арæзт æрцудæй сувæллæнтти Еугуруæрæсеуон центр «Орленок»-и. Нæ республикæй си архайдтонцæ Æрæдони сувæллæнтти аййевадон скъолай солисттæ, ансамбль «Арвайдæн» æма хор.Фестивали аййевадон совет син уæлдай хуарз аргъ искодта. Гран-при æма 1-аг къæпхæни лауреати ном исаккаг кодтонцæ ансамбль «Арвайдæн»-æн.  Æрæдони скъолай хор иссæй 1-аг къæпхæни лауреат, 2-аг къæпхæни Кади гæгъæдийæй хуарзæнхæгонд æрцудæй ансамбль «Ми-рей». Хуæздæр концертмейстери ном лæвæрд æрцудæй Езети Аллæн. Арфи финстæг лæвæрд æрцудæй Æрæдони сувæллæнтти аййевæдти скъолай сæргълæууæг Дулати Тугъанæн, зингæ æвæрæн ке хæссуй сувæллæнтти аййевади райрæзтмæ, уой туххæй.