25 июля 2024

ÆРИГÆНТТИ ТУРИЗМ

10.02.2024 | 22:22

Цæгат Иристони июли арæзт æрцæудзæнæй æригон туристти Еугуруæрæсеуон форум. Куд нисангонд цæуй, уотемæй си архайдзæнæнцæ уæрæсейаг регионтæй 500 æригон минæваремæй фулдæр. Форум махмæ арæзт ке ’рцæудзæнæй, е уой æвдесæн æй, æма уæхæн агъазиау мадзæлттæн нæмæ гъæугæ фадуæттæ ке ес, уæдта сæ аразунмæ дæр хуарз ке арæхсæн.

Аци форуми сæйрагдæр нисан ба æй ирæзгæ фæлтæрти нæ бæсти регионти зæрдæбæлдарæн бунæттæ æма æрдзи алæмæтдзийнæдти хæццæ базонгæ кæнун. Махмæ ка æрæмбурд уодзæнæй, еци æригæнттæн ба бацæттæ кæндзæнæнцæ цæмæдесаг бæстæзонæн æма хеерхæфсæн программæ. Биццеутæ æма кизгуттæ æнхæст кæндзæнæнцæ аллихузон рохситауæн проекттæ дæр.