«Устур Кавказ – еу дегизæй иннæ денгизмæ!..» Уæхæн медеси хæццæ 15-17 июли Цæцæни Республики сæйраг сахар Грознай арæзт æрцæудзæнæй аллианзон Кавказаг форум. Куд нисангонд цæуй, уотемæй уоми архайгутæ се ’ргом фулдæр раздахдзæнæнцæ агропромышленнон комплекси, амалгъонади, промышленности, транспортон æма энергетикон инфраструктурæ æма экономики иннæ къабæзти райрæзтмæ, банктæ æма иннæ финансон структурити кусти нивæбæладæмæ, социалон æма гуманитарон проекттæ æнхæст кæнунмæ. Аци ахсгиаг мадзали архайгутæй исуодзæнæй Цæгат Иристон дæр. Æма нуртæккæ куст цæуй цæттæгæнæн мадзæлттæбæл.