04 марта 2024

АХУРАДÆ

03.02.2024 | 22:00

Нæ республики Хецауади Сæрдари хуæдæййевæг Плати Альбинæ æрæги ци æмбурд исаразта, уоми дзубанди кодтонцæ 2024 анзæй фæстæмæ регионалон конкурс «Республикæ Цæгат Иристон-Аланий анзи педагог» исаразуни туххæй. Нуриуæнгæ дæр нæ ахургæнгутæ архайдтонцæ куд уæрæсейаг, уотæ нæхемæ арæзт аллихузон еристи: «Уæрæсей анзи ахургæнæг», «Уæрæсей анзи гъомбæлгæнæг», «Ирон æвзаг æма литератури хуæздæр ахургæнæг», «Хуæздæр гъомбæлгæнæг» æма æндæрти. Нури нæуæг арæзт регионалон конкурси уодзæнæй дæс номинаций. Еума конкурс ба уодзæнæй уæлæнхасæн ахуради косгутæн æма хундзæнæй «Зæрдæ дæттун сувæллæнттæн». Аци еристæ арæзт цæудзæнæнцæ еци-еу рæстæг.