Куд æнæгъæнæ Уæрæсей, уотæ мах республики астæуккаг ахургæнæндæнтти дæр фæззиндзæнæй нæуæгдзийнадæ  – алли скъолай директорæн дæр си фæззиндзæнæй унаффæгæнæг, кæций ихæс уодзæнæй ахургæнæги, скъоладзауи æма ниййергути ’хсæн бастдзийнадæ федар кæнун, цæмæй скъоладзау æ рæстæг пайдагунæй харз кæна, цæмæй ахури гъуддаги хæццæ ма ин цæмæдесаг уа æхсæнадон царди архайун дæр, æма  уоми дæр фескъуæлхунмæ разæнгардæй куд тундза. Аци проекти нерæнгæбал архайдзæнæй 130 скъолай, кæцитими уæхæн унаффæгæнгутæ косун райдайдзæнæнцæ аци анз сентябри. Сæ мизд ба уодзæнæй 30 мин соми, фæрæзнитæ дехгонд цæудзæнæй, куд бунæттон, уотæ федералон бюджетæй дæр.