Цæмæй нæ бæсти уæлдæр ахургæнæндæнтти нисанон хузи ахур кæнуни (целевое обучение) равгæ син фæууа, уой туххæй нæ республики скъолати аци анзи 1700 рауагъдони балæвардтонцæ сæ курдиæдтæ. Кæмæ си æрхаудзæнæй уæхæн барæ, уой исбæрæг кæндзæнæй сæрмагонд къамис, е ’ргом здахдзæнæй Еумæйаг паддзахадон фæлварæни рауагъдони бæрæггæнæнтæмæ, æ хецæн æнтæстдзийнæдтæмæ, регионалон æма федералон олимпиадити хуæрзеугутæмæ. Уæлдай аргъгонд цæудзæнæй æ социалон статусмæ гæсгæ. Республики Сæргълæууæг Сергей Меняйлой фæдзæхстмæ гæсгæ, фиццагидæр æргом æздæхт цæудзæнæй, сæрмагонд æфсæддон операций архайгæй ка фæммард æй, уони сувæллæнттæмæ.