Нæ республики медæгæ бæлццæнттæ æнæкъулумпитæй ласуни гъуддаг фæррæвдзæдæр кæнунæн фæстаг рæстæгути берæ аллихузон мадзæлттæ арæзт цæуй. Уонæй еу – рæхги нæмæ  маршрутон автобусти бæрцæ фæффулдæр уодзæнæй. Куд нисангонд цæуй, уотемæй республикæ райсдзæнæй дууадæс æма цуппаринсæй нæуæг хуæдтолги. Уонæй фондз æма инсæй лæггадæ кæндзæнæнцæ Дзæуæгигъæуи цæргутæн, иннетæ ба косдзæнæнцæ республики муниципалон нæдтæбæл. Автобустæ ефтонггонд æнцæ аллихузон нуриккон техникон фæрæзнитæй: телефон зарядкæ кæнунæн, балций феддонтæ къарточкæй федунæн, ес си тахогрæфтæ, видеоцæстдарæнтæ.