13 июня 2024

БАРХЕУОНТИ КЪУÆРТТÆ НÆБАЛ ÆМБУРД КÆНДЗÆНÆНЦÆ

11.03.2023 | 22:29

Нæ республики Сæргълæууæг Сергей Меняйло куд фегъосун кодта, уотемæй сæрмагонд тугъдон операци кæми цæуй, уордæмæ æрветунмæ иристойнаг бархеуонти къуæрттæ нæбал æмбурд кæндзæнæнцæ, уомæн æма сæ агъаз си нæбал гъæуй.

Нуртæккæ сæрмагонд тугъдон операций архайунцæ, фарæ уалдзæги ци дууæ ирон-бархеуон батальони «Алани» æма «Шторм» арæзт æрцудæнцæ, етæ. Уонæн сæ 70 проценти æнцæ Цæгат Иристонæй рацæуæг тугъдонтæ. Еци дууæ батальони æнхæст кæнунцæ фæйнæхузи ихæстæ. Сергей Меняйло куд баханхæ кодта, уотемæй республики ’рдигæй син агъазгонд цæуй, цæмæй алцæмæй дæр ефтонггонд уонцæ се ’фсæддон ихæстæ æнтæстгинæй æнхæст кæнунмæ.