Цæрæн хæдзæрттæ гъæуй фулдæр аразун, æлхæнæг сæ ке ес, уомæ гæсгæ – уæхæн æй сæ гъуди нæ бæсти хонсайраг регионти арæзтадон къабази ка архайуй, уонæн. Сæ дзубандимæ гæсгæ, адæм фатертæ æхцæуæндæрæй æлхæнун райдæдтонцæ, æнзтæ кæбæл цæуй, уæхæн хæдзæртти нæ, фал  нæуæг арæзт хæдзæртти фатертæ. Нæ республики арæзтадон къабази архайæг амалгъонтæй еу куд зæгъуй, уотемæй хæстæгдæр æртæ мæйемæ цæрæн хæдзæрттæ аразуни хæрзтæ ке фæффулдæр уодзæнæнцæ, уомæ гæсгæ ба фатерти æргътæ дæр фæббæрзонддæр уодзæнæнцæ. Уавæрбæл лæгъузæрдæмæ фæббæрæг уодзæнæй е дæр, æма арæзтадон æрмæгутæ кæд фæхъхъазардæр æнцæ, уæддæр нæ фагæ кæнунцæ.